Tez-tez verilən suallar

Azərbaycan Respublikası Nazirlər Kabinetinin 21 may 1998-ci il tarixli 114 nömrəli Qərarına əsasən, lazımi keyfiyyətdə olan parfümeriya-kosmetika məhsulları dəyişdirilməyən mallar siyahısına daxildir.

Bu səbəbdən, alınmış orijinal ətirlər şəxsi zövqə, qoxuya və ya qalıcılığa dair gözləntilərə uyğun gəlmədikdə geri qaytarılmır və dəyişdirilmir.

Məhsulda istehsal qüsuru və ya sifarişə uyğunsuzluq aşkar edilərsə, müraciətiniz qanunvericiliyə uyğun araşdırılır.

Biz ətirlərin orijinallığına zəmanət veririk. Ətirlər rəsmi istehsalçı tərəfindən necə istehsal olunursa, Sizə də həmin formada təqdim edilir. Digər mağazalarda satılan eyni orijinal ətirlərin qalıcılığı ilə bizdəki ətirlərin qalıcılığı arasında fərq yoxdur.

Lakin hər orijinal ətirin uzun müddət qalıcı olmur. Qalıcılıq ətrin tərkibindən, dəri tipindən, hava şəraitindən və digər amillərdən asılı olaraq dəyişə bilər. Buna görə də ətrin qalıcılığına ayrıca zəmanət verilmir.

Bəli, ParfumShop.az saytında təqdim olunan bütün ətirlər 100% orijinaldır. Biz 2000-ci ildən ətir satışı sahəsində fəaliyyət göstəririk və məhsullarımızın orijinallığına zəmanət veririk. Bütün ətirlər rəsmi istehsalçı qablaşdırmasında təqdim olunur. Müştərilərimizin bizə olan etimadı və uzunillik fəaliyyətimiz keyfiyyətə verdiyimiz önəmin göstəricisidir.

ParfumShop.az 2000-ci ildən etibarən «Image» adlı fiziki mağaza kimi fəaliyyətə başlamışdır. 2010-cu ildə isə ParfumShop.az internet mağazası yaradılmışdır. Fiziki mağazamız 2020-ci ilə qədər fəaliyyət göstərmiş, pandemiya dövründə isə bağlanmışdır. Hazırda fiziki mağazamız yoxdur və gələcəkdə yenidən açılması nəzərdə tutulmur. Biz fəaliyyətimizi yalnız onlayn şəkildə davam etdiririk və Azərbaycanın bütün şəhər və rayonlarına çatdırılma həyata keçiririk.

ParfumShop.az Azərbaycanın bütün şəhər və rayonlarına çatdırılma xidməti göstərir.

Bakı şəhəri daxilində: Çatdırılma tamamilə pulsuzdur. Sifarişlər ünvandan asılı olaraq 30 dəqiqədən 2 saata qədər çatdırılır.

Bakıətrafı qəsəbələrə: Buzovna, Mərdəkan, Ramana və digər Bakıətrafı qəsəbələrə çatdırılma haqqı 10 AZN təşkil edir.

Digər şəhər və rayonlara: İki çatdırılma üsulu mövcuddur:

Poçt vasitəsilə — 5 AZN. Sifariş 7 iş günü ərzində çatdırılır.

Şəhərlərarası taksi (yol taksiləri) vasitəsilə — 10 AZN. Sifariş göndərildiyi gün ərzində çatdırılır.

Hissə-hissə ödənişlə sifarişlər: Kredit müraciətiniz müsbət qiymətləndirildikdən sonra kredit müqaviləsini onlayn şəkildə imzalayırsınız. Müqavilə imzalandıqdan sonra sifarişiniz seçdiyiniz çatdırılma üsulu ilə göndərilir. Rayonlara kreditlə alınan məhsullar da poçtla 5 AZN, şəhərlərarası taksi ilə isə 10 AZN qarşılığında çatdırılır.

Nağd və ya kartla sifarişlər rayonlara əvvəlcədən ödəniş edildikdən sonra göndərilir.

İş vaxtımız: Bazar ertəsi – şənbə, 09:00–19:00. Bazar günü istirahət günüdür.

1. Bank kartı olmadan hissə-hissə ödəniş;
2. Qapıda nağd və ya kartla ödəniş;
3. M10 elektron cüzdan ilə ödəniş;
4. Birbank taksit kartı ilə 2, 3 və ya 6 aylıq faizsiz ödəniş.

1. Saytımızdan istədiyiniz ətri seçin.

2. Məhsulun səhifəsində «Hissə-hissə ödəniş» bölməsinə keçin.

3. İstədiyiniz ödəniş müddətini seçin və sadə müraciət formasını doldurun.

4. Müraciətiniz qeydə alındıqdan sonra iş vaxtı ərzində kredit ekspertimiz 30 dəqiqə ərzində Sizinlə əlaqə saxlayacaq və nəticəni bildirəcək.

5. Müraciətiniz təsdiqləndikdən sonra kredit müqaviləsini onlayn şəkildə imzalayacaqsınız.

6. Müqavilə imzalandıqdan sonra sifarişiniz çatdırılmaya yönləndiriləcək.

Bakı şəhəri daxilində çatdırılma pulsuzdur. Digər ərazilərə çatdırılma ödənişlidir.

Kredit müraciətlərinin emal vaxtı: Bazar ertəsi – şənbə, 09:30–17:30.

Kreditin təsdiqlənməsi Ferrum Capital-ın qərarından asılıdır.

ParfumShop.az saytında tərəfdaşımız Ferrum Capital vasitəsilə bank kartı olmadan 3, 6, 9, 12 və 15 aylıq hissə-hissə ödəniş mümkündür.

3 aylıq ödəniş faizsizdir. 6, 9, 12 və 15 aylıq ödənişlər isə faizlə hesablanır.

Kampaniya dövründə faizsiz ödəniş müddəti dəyişə bilər. Aktual şərtlər və aylıq ödəniş məbləğləri məhsulun səhifəsində göstərilir.

Kreditin rəsmiləşdirilməsi Ferrum Capital-ın təsdiqindən asılıdır.

ParfumShop.az yalnız onlayn fəaliyyət göstərir. Bizdə ətirləri sınamaq üçün tester və ya nümunələr mövcud deyil.

Bütün ətirlərimiz orijinal, istehsalçı tərəfindən qablaşdırılmış və bağlı formada təqdim olunur. Buna görə də sifarişdən əvvəl ətrin qoxusunu yoxlamaq imkanı yoxdur.

Ətir seçərkən onun xüsusiyyətləri və qoxu notları ilə saytımızda tanış ola bilərsiniz.

ParfumShop.az saytında alış-veriş etdikdə sifarişinizin məbləğinin 5%-i bonus pul olaraq şəxsi hesabınıza əlavə edilir. Topladığınız bonuslarla saytımızda istədiyiniz ətri əldə edə bilərsiniz.

Bonus qaydaları:

① Bonus pul yalnız endirimsiz məhsulların alışına görə hesablanır.

② Bir il ərzində toplanmış bonus məbləği 30 AZN-dən az olarsa, bonus balansı sıfırlanır.

③ Sifarişin bir hissəsini bonusla, qalan hissəsini isə nağd və ya kartla ödəmək mümkün deyil.

④ Bonuslar yalnız qeydiyyatdan keçdiyiniz telefon nömrəsinə bağlı hesaba əlavə edilir və başqa hesaba köçürülmür.

⑤ Bonus pulla məhsul aldıqda məhsulun endirimsiz qiyməti əsas götürülür.

Parfümeriya məhsullarının orijinallığını təsdiq edən ayrıca sertifikatın hər bir müştəriyə təqdim edilməsi standart təcrübə deyil.

ParfumShop.az olaraq satışa təqdim etdiyimiz bütün ətirlərin orijinallığına zəmanət veririk. Məhsullarımız etibarlı təchizatçılardan əldə edilir və istehsalçının orijinal qablaşdırmasında təqdim olunur.

Biz 2000-ci ildən parfümeriya sahəsində fəaliyyət göstəririk və müştərilərimizin etimadını yüksək qiymətləndiririk.

Xeyr, ətrin orijinallığını yalnız fotoşəkilə, barkoda və ya QR-koda əsasən dəqiq müəyyən etmək mümkün deyil.

Müasir dövrdə saxta ətirlər o qədər yüksək səviyyədə hazırlanır ki, onların qablaşdırılması, flakonu, loqosu, barkodu və QR-kodu orijinal məhsula çox bənzəyə bilər. Hətta orijinal məhsulun barkodu və QR-kodu saxta məhsulun üzərinə köçürülə bilər.

Buna görə də barkodun və ya QR-kodun oxunması məhsulun orijinal olduğunu sübut etmir. Fotoşəkilə baxaraq da ətrin orijinallığı barədə qəti nəticə çıxarmaq düzgün deyil.

Ən etibarlı yol ətri etibarlı və məhsulun orijinallığına zəmanət verən satıcıdan almaqdır.

ParfumShop.az 2000-ci ildən parfümeriya sahəsində fəaliyyət göstərir və təqdim etdiyi bütün ətirlərin orijinallığına zəmanət verir.